اسمي حصه , خريجة جامعة الملك عبد العزيز تخصص محاسبة, بعيد كل البعد عن هوايتي المطبخية,ماعندي هدف واضح في مجال تخصصي غير إني بأرضي أهلي واتخرج من الجامعة بمعدل يرضيهم, حبي للمطبخ ماكان واضح منذ الصغر لأني كنت دافور في المدرسة وهمي الأكبر دراستي و حصلت على المركز السادس على مستوى منطقة جدة في المرحلة المتوسطة وبالثانوية حصلت على المركز الأول على مستوى المدرسة في الثلاث مراحل.

.فهدفي أنا ذو بعد معنوي وليس مادي , نشر ثقافة المطبخ من جديد بأسلوب و تكنيك صحيح خصوصا المطبخ العربي ومن غير تأليف

وكثير يسألوني هل من وراء مدونتك دعم مادي , أو إيش راح تسوين بعد ماتجمعين أطباق؟

سؤال مهم , أنا لفيت على كثير مدونات فيه منهم من يستخدم أسلوب صح في الطبخ وتدخل على الوصفة وتطلع منها وانت فاهم كل شي من الكلام المكتوب, ومنهم من يستخدم أسلوب غريب وتكون المدونة زحمة ماتدري لوين تدخل وكيف تطلع,  منهم من يتعامل معك كأنك ماتفهم  ويحط لك طبق مدري من وين  وصعب ومعقد ويومين عشان  يخلص  وطبعا  هو اللي يفهم سوي الطبخة وانت ساكت.

لست ناقدة لأحد بس الأغلب صاروا كذا , بالنسبة لي إن شاء الله و الله يساعدني إني أنشر فلسفة التكنيك في المطبخ في جميع الأطباق وعدم تخبيص المقادير في بعضهاو ونفس الوقت مااسخدم مقادير صعبة تخلي الشخص أسبوع يدور على شي واحد من مقادير وصفة وحدة.

يعني أسلوب صح طريقة صحيحة و استخدام المكونات الأساسية لأصل كل طبق مع إضافة نكهة  حسب ذوقك.

كذا بيكون كل يوم أكلنا لذيذ ومتنوع وماتصير كل أطباقنا نفس النكهة.

يعني أنا ماأفكر بالدخل المادي, أكثر من تعديل وتغيير ثقافة المطبخ في العالم العربي,

لأن اطباقنا من ألذ الأطباق في العالم فليش مانحافظ على نكهة كل طبق ونتميز وبنفس الوقت مانعقد الأمور في الوصفات.

حتى لو ماكان الطبق عربي لازم مانخرب أساسها على كيفنا لأن أحيانا يكون الطبق سهل واحنا من تأليفنا قلبناه لشي ثاني صعب.

أتمنى فهمتوا الهدف من مدونتي , واتمنى أنكم تستمتعون بالوصفات الموجودة وأي نقد أو رأي راح أتقبله بكل رحابة صدر في التعليقات …