من الأطباق المفضله في شهر رمضان، طبعا كل ماكان من شغل البيت كان ألذ واخف لأن بعض المحلات يخلطون عدس او لب الخبز عشان تزيد من كثافته

شكل الفول في السوبرماركت اما يكون حب كامل بقشره او مقشر 

في كل الحالات لازم ينقع ليله كامله، وعند الطبخ في الحب الكامل نضيف شوي بيكربونات الصوديوم حتى يساعد على تفكك القشر بسهولة اما لو كان مقشر مايحتاج غير اننا نطبخه بمويه بس من غير اي اضافات ثانيه

انا بالوصفة طبخته بقدر الضغط لمدة من ٢٠ ل ٢٥ دقيقة نفس طريقة امي

و الكمية تكفي لشخصين

المقادير:

١ كوب فول مقشر

١ طماطم كبيره مقطع مكعبات صغيرة

١ بصل متوسط الحجم مفروم ناعم – تقريبا كمية ثلث كوب

م ص و نص كمون

م ص كزبره ناشفة مطحونه

نص م ص فلفل احمر بودرة

٢ م ك طحينه

ملح 

السلطة الجانبية:

هذي اختيارية بس اضافتها في صحن التقديم تضيف جمال و طعم لذيذ

بصل حجم صغير مفروم ناعم

و طماطم حجم صغير مقطع مكعبات صغيره

م ك بقدونس مفروم

عصير ليمون كميته لحد مايغطي المقادير 

ملح

———–

في السلطة الجانبية نخلط كل مقاديرها مع بعض و نخليها من ساعة لساعتين قبل التقديم

نحط الفول بقدر الضغط و نصب مويه لين يغطي مقدار اصبعين و نطبخه لمدة ٢٠ ل ٢٥ دقيقه

و بعدين نهرسه بالشوكه بعد الطبخ

على مقلا نحمس البصل لين يذبل ونضيف الطماطم و البهارات و نتركه يتسبك لمدة ٥ دقايق واذا احتاج مويه نصب شوي من موية الفول

نضيف الفول و نقلب و آخر شي الطحينة، التقليب هنا ماياخذ وقت دقيقتين بالكثير

طبعا لا تنسون الملح و آخر شي في صحن التقديم السلطة اللي حضرناها من قبل

و بالعافية