المقادير:

4 بيضات كبيره بدرجة حرارة الغرفة

ثلث كوب سكر كاستر او اسكر ابيض ناعم الحبيبات

150 مل حليب بدرجة حرارة الغرفة

100 مل حليب جوز الهند

م ص فانيلا سائلة

مقادير الكراميل:

ثلثي كوب سكر ابيض ناعم الحبيبات 

ثلث كوب مويه بدرجة حرارة الغرفة

—————————————

نشغل الفرن على درجة حرارة 180 سيلزيوس

نحط السكر و الموية  في قدر على نار متوسطة و ننتظر لين يتكون عندنا الكراميل

حاولوا اول ماتشوفون فقاقيع على سطح السيرب ماتبعدون عن القدر لين يقلب للون الذهبي الغامق… عشان لا ينحرق 

بعدين نصبه على القوالب اللي تبون تسوون فيها ..انا استخدمت قوالب صغيرة و استهلكت 8 منهم

نسخن الحليب من غير مايغلي خذوا شوي بمعلقة لا حسيتوا صار حار يكون تمام ووصل للدرجة المطلوبة

نخلط البيض مع السكر لين يندمجون و يصير خليط شبه ثقيل بعدين نصب حليب جوز الهند و نخلط وبعده الحليب الحار ببطء مع التحريك المستمر في الخليط..

و نحط القوالب في صينية فرن ونصب الخليط فيها..

ونصب موية حارة في الصينية الكبيرة لين يوصل لثلث القوالب الصغيرة و ندخله الفرن لمدة 45 ل 50 دقيقة بالكثير..او إلين ماتحسونها شبه جمدت

وخلوها تبرد تماما و دخلوها الثلاجة  لمدة 4 ساعات على الأقل قبل التقديم

و بالعافية