المقادير:
بطاطس رفيعة أو بطاطس ودجز
صلصة تشيلي وهنا
جبنة موزاريلا و تشدر مخلوطة تلقونها في المتاجر الكبيرة انا جبتها من الدانوب
فلفل هاليبينو مخلل 4 شرائح تكفي موجودة في قسم المخللات
بصل أخضر
————————————
البطاطس اذا ماكان ودجز نتبلها ببابريكا و ملح و فلفل اسود وندخلها الفرن من فوق وتحت على درجة حرارة 200
ماراح تاخذ وقت من فرن لفرن يختلف بس كل شوي افتحوا الفرن و قلبوا البطاطس تقريبا ربع ساعة او 20 دقيقة
بعد مايخلص البطاطس في صينية بايركس او اي صينية خاص للفرن نحط اول طبقة بطاطس بعدين شوي من صلصة التشيلي بعدين جبنة
ونرجع مرا ثانية بطاطس و صلصة تشيلي و جبنة و آخر شي نحط الهاليبينو و الفلفل الاخضر و نرش شوي جبنة من فوقهم
وندخله الفرن ونتركه لحد ماتسيح الجبنة
ويقدم مع كريمة حامضة
انا خففت الكريمة بشوي مويه عشان يسهل التغميس 🙂
Comments (0)
ما شاء الله شكلها يشهي 😋 البطاطس لمن ندخلها الفرن ما ندهنها زيت ؟
الا حبيبتي شوية زيت زيتون رشيه من فوق
مافهمت وين الصلصة
اضغطي على كلمة طريقتها بيفتحلك رابط ثاني فيها طريقة صلصة التشيلي
لو سمحتي كيف احصل على الكريمة الحامضة
في السوبر ماركت عند الثلاجات مكتوب عليها قشطة رائبة من شركة المراعي و ندا
الف شكر والله يعطيك العافية على سرعة ردك
اتمنى لك التوفيق وشكرا مرة ثانية
حياك في أي وقت
لي فتره ادور ع الساور كريم وما بحصلها لا في الدانوب ولا مانويل
عندك فكرة فين ممكن الاقيها او ايش البديل؟
مكتوب عليها قشطة رائبة من شركة المراعي أو ندى إلى قبل رمضان جبتها فماادري الحين اذا موجوده أو انقطعت للأسف مالقيت بديل لها
ايوه ادري انها قشطه رائبة، من فين جبتيها ؟ اشتريتها انا مرتين مره من الدانوب ومره مانويل والحين ما لقيت ولا بواحد منهم
اليوم سويت التكساس فرايز بطريقتك مررره عجبتهم كلهم بس ماعرفت الفرق بين صلصه طماطم وصوص طماطم وطماطم مفرومه
حطيت الصلصه المعجون وحطيت صوص يشبه حق البيتزا بسس وزبطت 😀
من نفس الأماكن اللي رحتيها شكلها انقطعت و بالعافيه عليكم اهم شي عجبتك