المقادير:

7 حبات صدور دجاج صغيره او 4 حبات صدور كبيره

2 حبة فلفل رومي احمر متوسط الحجم مقطع شرايح رفيعه

خس مقطع شرايح رفيعه – الكمية حسب عدد الساندويتشات 

جبن شرايح – اختياري

م ص كمون

م ص كزبرة ناشفة مطحونة

نص م ص بابريكا

ربع م ص فلفل احمر بودره

ربع م ص خردل بودره – لو مومتوفر تقدرون تلغونه

م ص ملح 

تخلط كل البهارات مع بعض

خبز تورتيا – انا استهلكت كيس كامل

مقادير الصوص:

ثلثي كوب مايونيز

2 م ك لبن

نص م ك صلصة سيراتشا الحاره او اي صلصة حاره متوفر

نص م ص ماسترد

م ص ملح

نص م ك عصير ليمون

م ص اوريغانو ناشف

نخلط كل المقادير مع بعض و نحطها في الثلاجة يفضل قبلها بيوم

——————————————-

عشان نشوي الدجاج بسرعة و ماياخذ وقت ندخلها في اكياس بلاستك وندقها لين يصير سطحها مستوي بس مو نحيفة !

و نتبلها بالبهارات من كل الجهات و نحطها في صينية او صحن كبير و نتركها في مكان بارد او بالثلاجة لمدة نص ساعة 

انا استخدم الجريل اللي على الغاز اخليه على حرارة متوسط لين يصير حار و اجيب فرشة السيلكون و ادهنه بزيت زيتون واحط الدجاج واخليه يطبخ على كل جهه 4 دقايق لأن حجم الدجاج صغير 

اما لو كان كبير فكل جهة 6 دقايق 

بعد الشوي نترك الدجاج يرتاح لمدة 10 دقايق بعدين نقطعه شرايح 

على المقلا نشوح الفلفل الرومي لحد مايذبل لمدة 3 دقايق تقريبا بعدين الدجاج اللي قطعناه نضيفه على الفلفل الرومي ونقلبه لمدة 30 ثانية عشان الفلفل الرومي يتشبع بنكهة الدجاج..

ندهن خبز التورتيا بالصوص بعدين على الطرف نحط الجبن بعدين الخس وآخر شي الدجاج و نلفه ..ممكن تسخنونه شوي بالفرن عشان الجبن يذوب

و بالعافية